“Mas marunong pa sa akin ang puso ko dahil mas pinili kang mahalin sa kabila ng mga kapintasan mo.”

Tinamaan ng major crush si Faye kay Rath Lagdameo nang iligtas siya nito sa masasamang-loob. At dahil once in a blue moon lang panain ni Kupido ang kanyang puso, hindi na niya pinalampas ang pagkakataon. Ginawa niya ang lahat ng paraan para mapansin siya ng lalaki, sukdulang kidnapin niya ito. Umayon naman kay Faye ang pagkakataon. She had her adorable billionaire boy. Pero daig pa niya ang pinompiyang sa magkabilang tainga nang magkamalay ang kanyang bihag. “Hindi ka si Rath?” “No. I’m his twin brother, Rex.” Anak ng pitumpu’t pitong puto! She got the wrong man!