Pagkalipas ng mahigit pitong taon, nagbalik si Dakila sa Gattaran. Doon ay muli niyang nakita si Sabina.

Hindi siya makapaniwalang ang batang ipinagtatanggol niya noon sa mga pang-aalaska ng kakambal na si Bayani ay isa nang napakagandang dalaga. At muli, naramdaman niya ang pamilyar na damdaming sinikil niya noon dahil napakabata pa ni Sabina.

Pero paano maisasakatuparan ang isang pag-ibig kung nananatiling nakapagitan sa kanila ang isang mapait na kahapon na hindi na yata makakalimutan ng kanilang mga kanayon?