Kilalang-kilala ang mga Batang PeKiRo sa kanilang lugar dahil sa mga ginagawa nilang misyon. “Misyon” ang tawag nila sa bawat trabahong kanilang tinatanggap, kapalit ang halagang hindi lang piso. Ngunit kapag kinakapos sila ng kita, gumagawa sila ng misyon na hindi kapuri-puri. Isang araw, nakatanggap sila ng kakaibang misyon, mula sa isang magandang dalaga, kapalit ang isang bangka at malaking halaga na hindi pa raw nila nahahawakan.
Alamin sa kuwentong ito kung sino ang mga Batang PeKiRo at ang magandang dalaga, gayundin ang isang napakahalagang aral na may kinalaman sa pagpapanatili sakalinisan ng Ilog Pasig.