“You can continue taking care of everyone you love. I will take care of you.”

Nang tanggapin ni Melissa ang alok na trabaho ni Dominic Roman, walang-wala sa isip niya na magkakagusto siya sa lalaki kahit pa saksakan ito ng guwapo at nag-uumapaw ang sex appeal. Ayon nga mismo kay Dominic, siya ang inalok nito ng trabaho dahil siya lang daw sa mga empleyado ng Slade House ang hindi mai-in love dito. Ang sabi pa nito, “I’ve been observing you for the past months. Ikaw lang ang hindi apektado kapag nakikita ako. Kaya sigurado akong hindi mahuhulog ang loob mo sa akin, Melissa. Believe me, I know when a woman will fall for me even if they try their best to hide it. I can see it in their eyes. I can sense it in their body language. And you are not interested in me. Lalong hindi ka rin interesado sa love.”

Totoo naman iyon.

Noon.

Iba pala kapag nakatrabaho ang isang Dominic Roman up close and personal. At natagpuan ni Melissa ang sarili na nahuhulog ang loob sa amo. Bukod kasi sa mabait at friendly, lagi ring isinasaalang-alang ni Dominic ang katayuan niya bilang single mom.

Mapapasama ba siya sa marami nang babaeng empleyado na dumating at umalis ng Slade House dahil na-in love kay Dominic? Magre-resign din ba siya kapag hindi kinaya ang heartbreak at gustong mag-move on?